İlyas Abbas olğu İsmayılov 1938-ci il martın 20-də Tovuz rayonunda anadan olub. 1962-ci ildə Azərbaycan Dövlət Universitetinin hüquq fakültəsini fərqlənmə diplomu ilə bitirib. 1972-ci ildən 1978-ci ilədək Azərbaycan KP MK-nın inzibati orqanlar şöbəsinin təlimatçısı olub. 1978-ci ildən 1985-ci ilədək respublika prokurorunun müavini, həmin vaxtdan 1990-cı ilin sentyabrına kimi Azərbaycanın prokuroru olub.
1990-cı ilin sentyabrından 1992-ci ilin yanvarınadək SSRİ prokurorluğunda şöbə rəisi vəzifəsində çalışıb. 1992-1994-cü illərdə Azərbaycan Respublikası ədliyyə naziri olub. 1995-ci ildə tərəfdarları ilə birlikdə "Ədalət" Partiyasını yaradıb.
2010-cu ildə 106 saylı Tovuz-Qazax-Ağstafa seçki dairəsindən deputat seçilib.
Ailəlidir, iki oğlu var.

1968-ci ildə Bakida anadan olmuşam. Atam ziyalı, anam evdar qadın olub. Anam dünyaya 9 uşaq gətirib, hamısı da oglan. Onların 4-ü dünyaya gəldikdən sonra rəhmətə gedib. Qəribədir ki, dogulduqdan sonra dünyasını dəyişənlər arasında belə qız uşagı olmayıb. Bir anlıga təssəvvür edin - Bakının “Xruşşovka”sında, dörd divar arasında 5 oglan uşağı böyütmək nə deməkdir. Yazıq anam. Yaşa dolduqca qədrini daha dərindən anlayıram.
Atam Texniki Peşə Məktəbinin direktoru olub. Sovetlər dönəmində bu, indiki özəl universitet rektoruna bərabər bir vəzifə sayılırdı. Amma atamın bu vəzifəsi mənə kömək olmayıb, əksinə, maneçilik törədib. Həyatımda rastlaşdığım ilk haqsızlıqlarda da bu vəzifənin müəyyən rolu olub.

Rzayev Anar Rəsul oğlu - nasir, dramaturq, kinodramaturq - 1938-ci il martın 14-də Bakıda şairlər ailəsində anadan olub.
Anarın atası şair Rəsul Rza, anası şairə Nigar Rəfibəylidir. Anar eyni zamanda Azərbaycanın məşhur ictimai və dövlət xadimi, Azərbaycan Demokratik Respublikasının ilk səhiyyə naziri və Gəncə şəhərinin general-qubernatoru olan Xudadat bəy Rəfibəylinin nəvəsidir.
Anar 1945-ci ildə 10 illik musiqi məktəbinə (indiki Bülbül adına məktəb) daxil olub və 1955-ci ildə həmin məktəbi gümüş medalla bitirib. Birinci sinifdən onuncu sinifə qədər gələcək həyat yoldaşı Zemfira Səfərovayla bir yerdə oxuyub.
Anar və Zemfira xanımın 2 övladları var. Böyük oğulları Tural ərəbşünas və diplomatdır, Xarici İşlər Nazirliyinin əməkdaşıdır. Qızları Günel isə Bakı Dövlət Universitetinin şərqşünaslıq fakultəsini bitirib.

Türkiyə Respublikasının 11-ci prezidenti Abdulla Gül 29 oktyabr 1950-ci ildə Kayseridə dünyaya gəlib. Orta təhsilini Kayseri liseyində bitirdikdən sonra İstanbul Universitetinin İqtisadiyyat fakültəsinə daxil olub. Həmin universitetin məzunu olduqdan sonra doktorluq dissertasiyalarını müadafiə etmək üçün London və Ekseterdə staj keçib.
1983-1991-ci illər arasında mərkəzi Ciddədə yerləşən İslam İnkişaf Bankının iqtisadiyyat üzrə müşaviri olub. 1991-ci ildə Beynəlxalq İqtisadiyyat sahəsində dosent dərəcəsi alıb. Həmin il vaxtından əvvəl keçirilən seçkilərdə Rifah partiyasının Kayseri millət vəkili kimi parlamentə daxil olub.

Əbülfəz Qədirqulu oğlu Əliyev (Elçibəy) 24 iyun 1938 -ci ildə  Naxıvan MR-in Ordubad rayonunun Kələki kəndində anadan olub. 7 illik Unuskənd məktəbini bitirdikdən sonra Ordubad şəhər 1 saylı orta məktəbində təhsilini davam etdirib. 1957 -ci ildə Bakı Dövlət Universitetinin Şərqşünaslıq fakültəsinin ərəb filologiyası şöbəsinə daxil olub. Buranı bitirdikdən sonra tərcüməçi işləyib. 1975-ci ilin yanvarında Azərbaycan DTK onu tələbələr arasında millətçi və antisovet təbliğatı aparmaq adıyla həbs edib və 17 iyul 1976-cı ilədək siyasi dustaq olaraq həbsdə qalıb. Elçibəy 1988-ci ildən sonra alovlanan milli-azadlıq hərəkatının önündə gedib. 1992-93-cü illərdə Azərbaycan Respublikasının prezidenti olub. 
22 avqust 2000 -ci ildə Türkiyədə vəfat edib. Bakıdakı Fəxri Xiyabanda dəfn olunub.

Şahlar Qaçay oğlu Əsgərov 15 iyun 1941-ci ildə Kəlbəcər rayonunda anadan olub. 1963-cü ildə Azərbaycan Dövlət Universitetinin fizika fakültəsini bitirib.
1993-cü ildən BDU-nun professorudur. 1994-1995-ci illərdə BDU-nun Beynəlxaəq əlaqələr üzrə prorektoru olub.
1995-2005-ci illərdə Azərbaycan Respublikasının Milli Məclisinin üzvü olub. Bir sıra monoqrafiyaların, kitabların, patentlərin müəllifidir. 16 elmlər namizədi və doktor yetişdirib. “Şöhrət” ordeni və “Əməkdar elm xadimi” titullarına malikdir. Evlidir, 2 övladı var.

Habil Mustafa oğlu Əliyev 1927-ci il mayın 28-də Ağdaş rayonunun Üçqovaq kəndində anadan olub. 7 yaşında rayon mərkəzindəki 3 saylı yeddiillik məktəbə gedib. Əvvəlcə tarla maraqlanıb. Ancaq fiziki cəhətdən zəif olduğu üçün biləyi tara tab gətirməyib. Kamançanı seçib. Elə həmin vaxtdan da meylini kamana salıb.
1952-ci ildə Bakıya gəlib Asəf Zeynallı adına orta ixtisas Musiqi Məktəbinin kamança şöbəsinə daxil olub. 1953-cü ildə Müslüm Maqomayev adına Azərbaycan Dövlət Filarmoniyasında əvvəlcə rəqs ansamblında müşayiətçi, sonra isə trioda kamança çalan kimi fəaliyyətə başlayıb. 1961-ci ildə televiziyada ilk konserti olub.
Xalq artisti, Prezidentinin fərdi təqaüdçüsüdür. Evlidir, 3 qızı, 1 oğlu, 8 nəvəsi var.