Çeçenistanda prezident postu ləğv edilib. Modern.az RİA-istinadən bildirir ki, bu barədə qərarı Çeçenistan parlamenti bu gün keçiridyi iclasında qəbul edib. Millət vəkilləri yekdilliklə “prezident” adını “başçı” ilə əvəz ediblər. Bundan sonra Ramzan Kadırov “Çeçenistanın başçısı” adlanacaq. Bununla bağlı Çeçenistanın Konstitutsiyasında müvafiq dəyişiklk edilib. 

İlk dəfə olaraq Ramzan Kadırov avqust ayında bu barədə fikrini bildirib. O, vurğulayıb ki, Rusiya Federasiyasının bir prezidenti olmalıdır - o da Dimitri Medvedevdi. Bir gün sonra parlament “başçı” sözünü müzakirəyə çıxarıb.  

Qeyd edək ki, Kadırovdan sonra Rusiya Federasiyasının digər subyektlərinin rəhbərləri -İnquşetiya, Dağıstan, Kabardin-Balkar, Qaraçay-Çərkəz respublikalarının prezidentləri də analoji addım atacaqlarını bəyan ediblər. Yalnız Tatarıstanda Kadırovun addımı çox soyuq qarşılanıb. Bütövlükdə Rusiyanın prezident üsul-idarəsinin olduğu 13 regionu var.

Modern.az