Modern.az xəbər verir ki, yanvarın 25-də “Buta Palace” sarayında “Eurovision-2012” Mahnı Müsabiqəsinin Açar Təqdimetmə, müsabiqədə təmsil olunan ölkələrin yarımfinal mərhələləri üzrə püşkatması, yarışmanın loqo və şüarının prezentasiyası olub. 

“Buta Palace”da "Eurovision 2011"ə ev sahibliyi etmiş Düsseldorf şəhərinin meri Dirk Elsbers "Eurovision" mahnı müsabiqəsinin rəmzi açarını Bakı şəhərinin meri Hacıbala Abutalıbova təqdim edib. Bununla da Bakı "Eurovision 2012"yə ev sahibliyini rəsmən qəbul edib.

Tədbirdə “Eurovision-2012”nin şüarı və loqosu təqdim edilib. Məlum olub ki, müsabiqənin şüarı “Light your fire” (“Alovunuzu yandırın”), loqosu isə alovdur.

Mərasim iştirakçıları loqo və şüarın göstərildiyi xüsusi videoçarxa tamaşa ediblər.

Daha sonra “Eurovision-2012” Mahnı Müsabiqəsinin yarımfinallarında iştirak edəcək 37 ölkə arasında püşkatma olub. Beləliklə yarımfinallarda ölkələr aşağıdakı siyahı ilə taəmsil olunacaqlar:

22 may – I yarımfinal:

Monteneqro
İslandiya
Moldova
Kipr
Rumıniya
Avstriya
Albaniya
Danimarka
Rusiya
Belçika
Latviya
San-Marino
İsveçrə
Finlandiya
İsrail
Yunanıstan
İrlandiya
Macarıstan

24 may – II yarımfinal

Serbiya
İsveç
Gürcüstan
Niderland
Portuqaliya
Sloveniya
Makedoniya
Estoniya
Belarus
Türkiyə
Malta
Slovakiya
Xorvatiya
Norveç
Ukrayna
Ermənistan
Litva
Bolqarıstan
Bosniya və Herseqovina

Müsabiqənin qaydalarına uyğun olaraq, “böyük beşlik" - Fransa,  Almaniya,  İtaliya,  İspaniya, Böyük Britaniya və keçən ilki müsabiqənin qalibi olan Azərbaycanın 5 birbaşa final mərhələsində çıxış edəcək.
43 ölkənin qatıldığı "Eurovision 2012"nin yarımfinalları may ayının 22-si və 24-də,  finalı 26-da keçiriləcək.






Modern.az